Плоштадот е со површина од 5660 м2

Во општина Демир Капија во тек се градежните работи за изградба на плоштад во центарот на градот Демир Капија на површина од 5660 м2.Моментално се извршува поставување на подземна електрична инсталација и поставување на атмосферска канализација.

Со овој проект се планира да се изврши поплочување на површината, да се постават канделабри со поставување на лед светилки за осветлување на плоштадот, изградба на фонтана, посадување на садници, и поставување на клупи, канти за отпадоци, и друга урбана опрема кои ќе бидат во склоп на плоштадот.