На денешната прес конференција, кандидатот на Коалицијата предводена од ВМРО-ДПМНЕ, Митко Јанчев соопшти дека ако ја добие довербата на граѓаните се откажува од редовната плата во Општината и службениот автомобил.Со средствата кои за таа намена ке се формира посебен фонд за финасирање на хуманитарни цели и спортот.Се работи за околу 50.000 евра.

Интергрален текст:

„Јас Митко Јанчев, кандидатурата за градоначалник на општина Кавадарци ја поднесов со голем ентузијазам и желба да направам крупни промени во нашата локална заедница кои ке придонесат кон подобрувањето на животните стандарди на сите граѓани во општина Кавадарци.

Во текот на Кампањата среќавајки се со Вас Граѓаните и запознавајќи ги уште подобро наталожените проблеми ентузијазмот и желбата стануваат се поголеми .

Тоа што ме прави различен од сите досегашни градоначалници и кандидати за градоначалници, е дека функцијата градоначалник , доколку граѓаните ми ја дадат нивната довербата, ке ја извршувам исклучиво со намера и желба да дадам максимален придонес да се направи Кавадарци поубаво место за живеење.

Јавно се откажувам од градоначалничката плата, јавно соопштувам дека нема да користам службено возило и службените обврски ке ги извршувам со сопствено возило.

Финансиските средства од градоначалничката плата ќе се префрлаат на донаторска сметка, ке бидат наменете за хуманитарни цели и за решавање на социјални проблеми. Овој фонд за 4 години ке изнесува 50.000 евра, а распределбата на финансиските сдерства ќе ја врши тело составено од социјални работници и истакнати хуманисти, а не Митко Јанчев.

По овие два основа, буџетот на општина Кавадарци ке заштеди околу 150.000 евра за период од 4 години.

Парите на граѓаните ке се трошат одговорно, наменски и според реалните потреби на граѓаните. Ве уверувам дека секој Ваш денар, Вашите даноци и такси уплатени во општинскиот буџет, со мене како градоначалник, ке имаат поголема вредност.

Не случајно моето мото е ,, КАВАДАРЦИ НА ПРВО МЕСТО,, „ се вели во изјавата на Митко Јанчев на денешната прес конференција .