120 дечиња денеска израдува градоначалникот на Неготино, Тони Делков. Во Дисан, Тимјаник, Пеплиште, Криволак, Војшанци, Црвени брегови и Тремник, тој подели новогодишни пакетчиња

Градоначалникот на Општина Неготино на децата од преучилишна возраст, им донесе широки насмевки на нивните лица за поубави и посреќни новогодишни и божиќни празници. Ова е традиционална активност на општина Неготино во пресрет на Нова година. Градоначалникот ги посети 7-те Игрални, а на децата им посака многу здравје, љубов, среќа и безгрижно детството. -Нашата борба е точно за најмладите, а ние ќе направиме се за нивните насмевски да бидат нашата водилка, рече градоначалникот во изјава за медиумите.Локалната самоуправа секогаш набавува материјали за да можат да се реализираат активностите за децата во игралните од страна на наставниот кадар ангажиран од општината, рече Делков.

Во знак на благодараност децата пееја новогодишни песнички песнички и рецитираа стихотворби, а насмевките на нивните лица покажаа колку само едно мало внимани може да ги направи среќни и весели. Утре, новогодишни пакетчиња ќе добијат и децата од детската градинка “Фемо Кулаков” од Неготино, но и учениците до петто одделение.