Покрај проширувањето поставена е и патна сигнализација.

Патот на излезот од Неготино кон Кавадарци е проширен. Се работи за градежна инвестиција на “Македонија пат”, во соработка со Државната агенција за патишта. Петар Емшов, раководител на Македонија пат од Неготино, соопштува дека проширувањето значи поголема прегледност и подобра безбедност за учесниците во сообраќајот.

-Ова е особено важно бидејќи на овој дел од патот каде има кривина, во минатото се случуваа сообраќајки. Токму затоа ова беше своевидна црна точка. За да се намалат незгодите, се симна дел од околната земјена површина која беше во државна сопственост. Проширувањето е од двете страни, некаде по околу 1.2 до 1.5 метри, соопшти Емшов.