„Кавадарчанките“ - сестрите Коцеви, меѓу најдобрите на првите две средби

Буквално истите ракометарки кои лани го освоија ЕХФ-шампионатот за кадетки во Литванија, сега ја поведоа репрезентацијата на Македонија во една нова авантура наречена светско кадетско првенство кое се одржува во Скопје со 32 селекции. Ние сме во група со Сенегал, Иран и Узбекистан а од осумте групи со по четири екипи, првите две од секоја група продолжуваат понатаму и формираат нови групи, четири со по четири селекции. Македоија ќе вкрсти со првопласираните две екипи од А-групата каде се Исланд, Шведска, Црна Гора и Алжир. Од овие четири нови групи, првите две репрезентации и ќе обезбеедат четвртфинале. Првенството ќе биде посебно и поради тоа што ќе служи како тест натпреварување за новата, иновативна топка без лепак. Нашите девојчиња имаа одличен старт на Светското првенство и славеа над селекцијата на Сенегал со убедливи 32-13. Централни фигури во нашиот состав беа сестрите близначки Борјана и Бојана Коцеви кои постигнаа по пет гола. Станнува збор за скромни девојчиња квалитетнни надежни ракометарки чии родители се од Кавадарци. Борјана по завршувањето на натпреварот беше прогласена за најкорисна ракометарка. Вчера нашите девојки со 39-30 славеа победа над Узбекистан и обезбедија место во главната рунда на овој Мундијал. Бојана Коцева со 9 голови беше најефикасна а Ризоска додаде 8 гола и беше прогласена за МВП. Утре, вторник со почеток во 20.30 ч. не очекува дуелот со Иран кој исто така има две победи. Оваа средба ке даде одговор која од овие две селекции како првопласирана од групата ќе пренесе максимални бодови во главната фаза.Во другата група Исланд доколку не киксне со Алжир најверојатно ке биде прв а за втората позиција во меѓусебен дуел је одлучат Црна Гора и Шведска

М.В.