Форумот „Џидимирци“освети споменик кaј селските гробишта

Во саботата на 3-ти јуни во организација на Форумот „Џидимирци“ во истоименото село во кое долги години не живее никој во присуство на свештено лице од Македонската православна црква се изврши чинот на осветувањето на новоизградениот споменик кој е лоциран на местото каде што некогаш биле селските гробишта во Џидимирци. Со реализацијата на овој чин, потомците на џидимирчани и нивните најблиски ќе можат да доаѓаат на ова место и да запалат свеќа во чест и во спомен на своите најблиски кои почиваат овде. Беше приредена богата културно-уметничка програма со учество на хорот „Франце Прешерн“, а дел од присутните кои детството го имаат поминато во Џидимирци евоцираа спомени на тоа време, а свое обраќање имаше и господинот Тасе Лазовски кој е еден од главните организатори и реализатори на проектот за поставувањето на спомен плочата и осветувањето на селските гробишта.