Во Библиотеката “Феткин„ промовиран првиот роман на младата писателка Марта Димитров

Mладата писателка Марта Димитрив, вечерва пред кавадарчани го промовира својот првенец-романот „Раголена душа“.Се работи за книга која ова 27 годишна девојка ја пишува во период од три години, време во кое успеала или имала намера да ја спознае љубова и животот .Како што објави портлот Кavadar4e.com “по неколку годишна работа, бројни непроспиени ноќи над тастатурата и испишани и избришани редови, конечно младата кавадарчанка Марта Димитров пред кавадаречката и македонската јавност ќе го промовира својот прв роман, „Разголена душа“.

Со издавањето на „Разголена душа“, Димитров ја исполнува својата желба, но и желбата на Клара, главниот лик во романот, да ги издадат своите книги кои носат силна порака дека се е возможно доколку силно се посакува и се работи на неговото остварување“.

Промоцијата помина во еден миг-низ музичка придружба на гитара и клавир на одличните Пепи и Перо ,и читањето на извадоци од книгата на Александра Хаџи-Наумовска.Промотор беше Петар Гурев-долгодишен пријател на Марта,-библиотекар, човек кој секојдневно другарува со книгата.Гурев на негов начин им презентира на присутните како го доживеал романот читајќи го, и рече дека за да се разбере суштината на ова издание- на него да се навратите неколку пати.Убаво четиво кој им го препорача на читателите да го имаат во својата библиотека.

Марта Димитров-не го криеше своето задоволство од публикувањето на нејзината прва книга, прозно дело кое го пишувала во период значаен за нејзиниот млад живот.Во желбата да ја стигне до првата цел успеала благодарение на упорноста спознававањето на животните предизвици и подршката од семејствтото.Најави дека ќе продолжи да пишува што е нов предизвик на неа ,уште повеќе што има покана од Издавачката куќа „Ѓурѓа„ за нов ракопис.

Фактот дека просторот во Библиотеката „Феткин„ е изразито топол за промоции, а вработените се вистински професионалци за ваков настан, исто така беше значаен придонес за вкупниот впечаток.Тие најавуваат слични настани во иднина ,со што културата ке постигнува нова димензија.На промоцијата присуствуваше и претседателот на Советот наОпштина Кавадарци Ристо Сакалиев.Пријатно исполнет амбиент со пријатели, роднини, обични граѓани,поети, писатели, професори, доктори,новинари,граѓани,љубителите на пишаниот збор .Се на се убаво книжевно доживување.

Романот „Разгaлена душа„ го издаде Издавачката куќа „Ѓурѓа„ и е дел од едицијата „Поддршка за 10 млади автори“ по повод 30 годишнината од постоењето на овој реномиран издавач кај нас.„Разголена душа“ заинтереираните можат да ја набават преку ОН ЛАЈН продавницата kupikniga.mk.