Kaбинетот на градоначалникот на Општина Кавадарци денеска соопшти дека кавадаречкиот градоначалник Митко Јанчев го подржува отварањето на мали групни домови

„Во изминатите денови сме сведоци на протести во с.Тимјаник поради одлуката на Министерството за труд и социјална политика за оспособување на простор за мал групен дом за деца со попреченост во развојот.

Општина Кавадарци дава целосна поддршка за отворање на мали групни домови. Отворени сме за соработка со Министерството за труд и социјална политика со сите ресурси кои ги има на располагање Општина Кавадарци.

Секое дете заслужува безгрижно детство, секое дете заслужува да расте во средина која нуди добри услови и секое дете има право на грижа и топла прегратка„.-се вели во соопштението до јавноста од Кабинетот на Митко Јанчев-градоначалник на Општина Кавадарци..