Во пресрет на бербата на вински сорти грозје и почетокот на производството на вино, нашата училишна винарија ја збогати својата опрема со три ферментатори со разладни уреди од по 300 литра. Овие наменски садови во голема мера ќе влијаат за правилна и контролирана ферментација и ќе го зголемат квалитетот на виното што се произведува во СОЗШУ за научни цели. Учениците, преку непосредно ракување со оваа опрема, ќе стекнат солидни сознанија за предноста на современата опрема за производство на вино. Овие вредни алатки се донација на реномираната фирма ЕУРОХАНДЕЛ ДООЕЛ од Кавадарци, во знак на соработка и унапредување на винската култура во рамките на научно образовниот процес, кој се одвива во нашето училиште. Им изразуваме благодарност за несебичниот чин и се надеваме на долготрајна соработка. ЕУРОХАНДЕЛ ДООЕЛ е дистрибутер на енолошки средства, амбалажа и винарска опрема во Македонија. На производителите на вино, ракија и сокови им нуди и стручни совети во проектирање, изградба и работа во производните погони. Располага и со енолошка лабораторија за испитување и контрола во производството. https://eurohandel.biz/