ЗАВРШИЈА ЗЕМЈЕНИТЕ РАБОТИ НА ПЛАТОТО ЗА НОВАТА ЛОКАЦИЈА ЗА ЛИМЕНИТЕ ГАРАЖИ

Градежната механизација на фирмата „Ја-Ми“ која е донатор во реализацијата на акцијата на општината за расчистување на запуштена површина кај обиколницата „Северен булевар“, денеска ги заврши земјените работи од уредувањето на овој простор.

Општината Кавадарци овде на површина од 9.000м2 планира да изврши уредување на целиот простор како би се обезбедиле минимум урбанизирани услови за дислокација на лимените гаражи кои што општината во соработка со сопствениците ги отстрани од узурпираните урбани површини во градот.