.jpg)
.png)
Комуналната изградба во градот се одвива со несмален интензитет.
Оперативата на ангажираната фирма „Пирамид билдинг солушнс“ од Скопје работи на реализација на проектот за реконструкција на тротоарот на улицата „7ми Септември“. Општината го реконструира потегот од „Музеј-Галерија“ Кавадарци до салата „Партизан“.
Деновиве со отстранување на дотраените и оштетени плочи од тротоарот се подготвува подлогата, се копа ров за нова подземна инсталација за јавното улично осветлување и за операторот „Телеком“, а ќе се санираат и испакнатите корени на дрворедот.
Според проектот на овој дел општината ќе изврши поплочување на тротоар од павер елементи на површина од 900м2, а на делот до коловозот постојниот тротоар ќе се пренамени во паркинг со корисна површина од 1.000 квадратни метри.
Со овој зафат општината ќе ги санира оштетувањата на еден од најкористените тротоари во градот кој води од центарот кон градскиот парк „Љупчо Шкартов“. Освен тоа ќе се изведе и асфалтиран паркинг со нивото на улицата.
Целта е да се уреди овој простор и да биде многу побезбеден како за пешаците, така и за одвивање на сообраќајот
