Во четврток на градскиот плоштад ке продефилирааат звучни џез имиња како што се Васил Хаџиманов бенд, Тони Китановски квартет, Сашо Поповски трио итн

Во четврток на 1 септември со почеток од 20.30 часот на градскиот плоштад во Кавадарци, ќе се одржи една манифестација која станува традиционална и по квалитет и по имињата на учесниците. Утревечер Кавадарци ке биде домаќинн на меѓународниот џез фестивал Кавадарци 2022.

Годинава на фестивалот ке учествуваат: Васил Хаџиманов бенд под името “Са југа“. Или како што пишуваа на самиот плакат од Битола до Љубљана преку Скопје и Белград четворица извонредни музичари кои преку своите композиции ке ве однесат на една музичка авантура која тие ја нарекуваат „Са југа“. А тие четворица музичари се Васил Хаџиманов на пијано и електроникс, Јуре Пукл на сакс, Оливер Јосифовски на бас и Александар Петров на тапани. Покрај бендот на Хаџиманов на фестивалот ке земат учество уште неколку квалитетни музичари и бендови. Пред се тука се Тони Китановски Квартет, Сашо Поповски Трио, Зарина Првасевда итн.

Фестивалот е во организација на домот на културата “Иван Мазов - Климе“ од Кавадарци и Здружението “Васил Хаџиманов јуниор“ од Кавадарци и истиот е поддржан од Министерството за култура на Република Северна Македонија и Локалната самоуправа на општина Кавадарци.

М.В.