.jpg)
.png)
Во просториите на Општина Кавадарци, се потпиша договор за соработка за реализација на проектот „Подобрување на животна средина преку набавка на специјализирани возила во општините од Вардарскиот плански регион“. Договорот беше потпишан помеѓу градоначалникот на Општина Кавадарци, Митко Јанчев и директорот на Центарот за развој на Вардарскиот плански регион, Сашо Мошев. Проектот опфаќа набавка на две специјализирани машини за собирање комунален отпад – ѓубрарки, кои ќе бидат ставени во употреба од страна на Јавното претпријатие „Комуналец“ – Кавадарци, како краен корисник. Вкупната вредност на проектот изнесува 3.870.000 денари, од кои Општина Кавадарци учествува со 896.144 денари сопствени средства. Оваа донација претставува значаен чекор кон унапредување на услугите за управување со отпад во градот. Со новите возила, Ј.П. Комуналец Кавадарци значително ќе ја зголеми ефикасноста и фреквенцијата на собирање смет, особено во урбаните и приградските подрачја. Покрај зголемената функционалност, новата механизација ќе придонесе и за подобра заштита на животната средина и повисок степен на јавна хигиена, што е од особена важност за квалитетот на живот на граѓаните.
