Советници на Општина Росоман усвоија битни урбанистички програми

Советот на општина Росоман вчера ја одржа редовната 6 седница.

Беше предвиден дневен ред со 9 точки но потоа беше додадена и десета точка советнички прашања. Откако го усвоија дневниот ред советниците едногласно ја усвоија програмата за одбележување на празници и манифестации за 2022.

Следуваа неколку точки од областа на урбанизмот па советниците ги усвоија програмите за 2022 год за уредување на градежно земјиште на просторот на општина Росоман, за изградба ,реконструкција,одржување и заштита на локалните патишта и улици во општина Росоман и за зимската служба односно за одржување на локални патишта и улици на подрачјето на општина Росоман во зимски услови. Потоа советниците донесоа и две одлуки – за прифаќање на предлогот за воспоставување намеѓуопштинска соработка и за основање на совет на млади на општина Росоман.

Советници потоа разгледаа нееколку барања од правни и физички лица и позитивно одговорија на поголемиот дел од нив. На крај на адреса на градоначалникот Стојан Николов во рамките на советничките прашања беа упатени неколку на кои росоманскиот градоначалник одговори во целост.

Мики Виденовиќ