МЕСТО ЗА ВАШАТА РЕКЛАМА
(770x120)

КАВАДАРЕЧКИТЕ ФУДБАЛЕРИ ОДИГРАА СОЛИДНО ПРВО И МНОГУ ЛОШО ВТОРО ПОЛУВРЕМЕ ЗА ПОРАЗ ОД 5-0

Во рамките на 1/16 финалето од купот фудбалерите на „ГФК Тиквеш 1930“ денес имаа тешко гостување на екипата на „Гостивар“. Гостиварчани исто како и „Тиквеш“ претендираат за највисок пласман во втората лига. Поради фактот што во сабота кавадарчани ги чека дерби натпревар со „Брегалница“ тие денес настапија со малку измешан состав. Во првото полувреме рамноправна игра но во 43 мин домакинот ја искористи грешката на кавадаречката одбрана и нејзината нерешителност и го отвори резултатот. Во второто полувреме „Тиквеш“ се обиде да стигне до израмнување а „Гостивар„ казнуваше за анемичната игра на гостите како во нападот така и во одбраната и лесно постигнуваше голови. Поточно „Гостивар“ даде уште 4 за конечни 5-0. „Тиквеш“ ке мора брзо да го заборави овој настап и максимално сконцентрирано да го пречека дербито со „Брегалница“ во сабота каде не смее да ги повтори денешните грешки.

Во известувањето на својата ФБ страна од ГФК Тиквеш 1930 за ова средба соопштија : „Фудбалерите на Тиквеш се поразени на денешното Куп гостување кај екипата на Гостивар со резултат 5-0. Фудбалерите на Тиквеш денеска настапуваа со еден изменет состав, каде што шанса добија сите млади фудбалери кои немаат доволно голема минутажа во првенството. Следен натпревар за нашиот клуб е дербито против екипата на Брегалница веќе во сабота на градски стадион во Неготино.„

м.в.