КОШАРКАРСКИТЕ ТИМОВИ ПОЛЕКА ЗЕМААТ ЗАМАВ ЗА СТАРТОТ НА НОВАТА СЕЗОНА НА 3 ОКТОМВРИ

Кошаркарите на „Еуро Никел“ продолжуваат со одигрување на контролни пријателски натпревари и воигрување на тимот за стартот на новото првенство кое патем стартува на 3 октомври. Во контролен натпревар кој се одигра во салата „Јасмин“ гостуваше екипата на „Академија ФМП“. Кавадаречките кошаркари славеа со високи 77:53. Прашањето околу победникот беше одговорено веке по првиот период во кој „Еуро Никел“ кој настапи без Дарко Соколов имаше убедлива предност 29:13, а на полувреме уште поубедливи 50:28. Во оваа фаза од подготовките Мијатовиќ игра стандардно одлично и ефикасно, а играа и најмладите. Можеме слободно да кажеме дека своите минути максимално ги искористија Ранко Мамузиќ,Тодор Златев или буквално сите од активниот ростер на „Еуро Никел“ .Само да напоменеме дека претходно Еуро Никел му гостуваше на „Кожув“ во Гевгелија. Кавадаречките кошаркари и овде славеа победа од 76-84. Данило Мијатовиќ на оваа средба постигна 29 поени со 7 скока, Влаховиќ имаше 18, Соколов 14, а Казарновски 10.Кај „Кожув“ кој беше без Караџовски, Симоновски имаше солидна шутерска партија со 26 поени, Скот реализираше 14 поени а Џексон 12 поени.

м.в.