Денес се навршуваат точно 114 години од убиството на Гоце Делчев

Претходно предаден, по тешка битка со турската војска,кај селото Баница-Егејска Македонија убиен е најголемиот македонски револуционер и борец за македонската самобитност- Гоце Делчев .Гоце Делчев е роден на 4 февруари 1872 година во Кукуш, Егејска Македонија. Бил доста интелигентен, извонреден организатор и инспиратор на широките народни маси во поробена Македонија. Со него, македонското ослободително движење добило нов импулс во дејствувањето. Поради тоа е наречен „срцето на револуционерна Македонија “.Одејќи на Смилевскиот конгрес каде требало да ги образложи своите гледишта против кревање на востание за кое сметал дека е сеуште неподготвено, Гоце Делчев бил предаден и убиен. За неговата смрт се дознава во текот на одржувањето на конгресот каде сепак било одлучено да се крене Илинденското востанието. Неговите посмртни останки се пренесени во Софија, со аманет еден ден да почиваат во престолнината на независна Македонија. По ослободувањето на Македонија во 1946 година, неговите посмртни останки се пренесени во Скопје, главниот град на слободна Македонија, каде и денес почиваат во црквата Свети Спас.Тој е еден од ретките македонци кои е подеднакво почитуван и славен од сите генерации макеонци кои живееле по него.Народот го опеал Делчева во народните песни како јунак за каков бил доживуван секаде каде ја проповедал идејата за слободна Македонија. Неговото дело ќе биде инспирација илјадници македонски генерации до конечниот пат до слободна и независна Македонија! Неговите мисли и погледи ќе ги надминат границите на Македонија вбројувајќи го Делчев во еден од најголемите визионери на своето време. Неговите гледишта остануваат безвременски!Тие важат и за ова современие кое денес го живееме.Тој иднината ја гледал уште пред повеке пд 100 години.Тој бил човекот кој и сеге треба да биде инспираџија за зачувување на Македонија од нашите вечни непријатели.Македонскиот народ денеска се сеќава на него и на неговото дело.