Сите занимални во Детската градинка ке добијат прочистувачи за воздух

“Наредната недела, односно во среда, ќе се монтираат 33 прочистувачи на воздух во сите занимални на детската градинка “Рада Поцева“ во Кавадарци. Ова е само мал дел од проектот на Градоначалникот Митко Јанчев “За чисто Кавадарци“. Овие прочистувачи се донација од компанијата “Екотип“ од Скопје од брендот “Блу ер“, а инвестицијата изнесува 10.000 евра.

Проектот “За чисто Кавадарци“ започна преку проектот “Мој општинар“ со чистење на сите помали и поголеми диви депонии во Општина Кавадарци. Овие прочистувачи се втора мерка од овој проект а во иднина следуваат уште акции преку кои ќе се залагаме за почисто Кавадарци.“ се вели во сооптението до РТК.МК од Кабинетит на градоначалникот на Општина Кавадарци Митко Јанчев.