По долгогодини реагирања на граѓаните особено возачите кои ја користат обиколницата „Северен Булевар„ конечно Советот и градоначалникот Митко Јанчев -решија да ја реконстриуираат и доведат во состојба каква би требало да биде ваква сообраќајница.

Општина Кавадарци започна со реализација на капитален проект за реконструкција на „Северен Булевар“. Оперативата на агажираната фирма изведувач работи на отстранување на стариот асфалт. Со ова практично стартуваше втората фаза од ревитализацијата на една од најзначајните сообраќајници, која има и функција на заобиколница.Втората фаза предвидува реконструкција на вкупно 900 метри од улицата и тоа на потегот од спојот со булеварот „Никола Минчев“ до спојот со улицата „Шишка“ кај Општа болница Кавадарци.Носител на договорната обврска е градежната фирма „Бетон“ од Скопје.Финансиските средства се обезбедени преку Одлука за долгорочно домашно задолжување на Општина Кавадарци, преку потпишување на Договор за под-заем со Министерството за финансии, во рамки на средствата обезбедени со Проектот за подобрување на општинските услуги финансиран со заем од Меѓународната банка за обнова и развој - Светска банка, а со цел финансирање на капитални инвестициони проекти, МСИП.