„Како дел од активностите на Општина Кавадарци, а кои се во насока на обезбедување поквалитетни услуги на своите жители, Општина Кавадарци воведува оџачарска услуга којa што подразбира чистење и контрола на уредите за спроведување на чад со што се овозможува нормално функционирање на оџаците. Оџачарските услуги ќе ги извршуваат стручно обучени и лиценцирани лица од ДТКУУ ВЕЛ-ДОМ ДООЕЛ ВЕЛЕС. Оваа активност е од големо значење за жителите на Општина Кавадарци кои што грејната сезона ја поминуваат на дрва, пелети, јаглен или масло за домаќинството. Со оглед на тоа што неисчистените оџаци не само што го загадуваат воздухот туку се и потенцијална опасност за настанување на пожари, со воведување на оваа услуга граѓаните не мораат сами да ги чистат оџаците туку можат да ги користат услугите на стручно обучени и лиценцирани лица. Oџачарските услуги ќе се вршат со пријавување на телефонскиот број 043 410 917 во ЈП Комуналец кој имаат склучено договор со горенаведената компанија која ќе го врши чистењето на оџаците. НАПОМЕНА: Надоместок за чистење на оџаците е бесплатно, односно е одвоено од Буџетот на Општина Кавадарци.“-ИЗВЕСТУВААТ од Општина Кавадарци.