МЕСТО ЗА ВАШАТА РЕКЛАМА
(770x120)

Во шестото коло од М16 машката кошаркарска лига на КФСМ, екипата на КК Спортисимо ја победи екипата на Вибас од Скопје со резултат 70:57.

Натпреварот се одигра во спортската сала "Јасмин" во Кавадарци. Со оваа победа кошаркарите на Спортисимо имаат скор од 3 победи и 3 порази и остануваат во трка за едно од трите места кои водат во плејофот.

Важно е да се напомене дека пред почетокот на овој натпревар имаше мало изненадување со мотивирачки мотив кое беше организирано од стручниот штаб на Спортисимо на чело со Мирослав Златески заедно со кошаркарите. Пред почетокот на самиот натпревар кошаркарите и тренерите облекоа маички со порака "Кико те чекаме на терен" упатена до најдобриот кошаркар на Спортисимо, Христијан Миленовик, кој заздравува од повреда здобиена пред еден месец. Миленовиќ беше на клупа и безрезервно ги бодреше своите соиграчи.

Најдобар стрелец кај Спортисимо а воедно и на натпреварот беше капитенот Стојановски со 15 постигнати поени. На листата на стрелци се запишаа и Иванов 12, Ристовски и Митков по 11, Мицев 10, Бошков 7, Алексов 2 и Стојанов 2 поени. Во следното коло екипата на Спортисимо гостува во Куманово.