МЕСТО ЗА ВАШАТА РЕКЛАМА
(770x120)

Непрописно фрленото комиње како отпад по преработката на грозје и печењето ракија, претставува проблем за Кавадарци и кавадаречкото јавно претпријатие „Комуналец”. За ова денеска информираше Ѓорѓи Поп Ицов, раководител на Работната единица за хигиена и зеленило.

- Постојат несовесни кавадарчани кои никако да разберат дека комињето треба да го фрлаат во контејнерите од пет метри кубни, а не во тие од 1,1 метар. Помалите контејнери побрзо се преполнуваат и потоа имаме проблем со нивното празнење. Затоа за оваа намена, треба да се користат поголемите контејнери, кои се поставени на 25 локации во градот, рече Поп Ицов.

Тој нагласи дека поради непромислено истурање на комиње во канализација, доаѓа до затнување на канализациската мрежа.

Притоа додаде дека на лозарите кои имаат големи количини на комиње, комуналци им препорачуваат со тракторските приколки да го однесат отпадот до градската депонија „Мелци”. - Таа е само на три километри од градот и до неа води асфалтен пат, посочи Поп Ицов.