ВО НЕДЕЛА ОД 18 ЧАСОТ ВО КАВАДАРЦИ ГОСТУВА ПЕЛИСТЕР

Кошаркарите стартуваа со првенството но некако тешко им оди. Пауза заради заболени од корона, пауза заради репрезентација, одложени средби. Според планот и програмата викендов треба да се одигра 7 коло а досега екипите одвај одиграа по 3-4 средби. Да се надеваме дека викендов ке се одиграат сите натпревари а според распоредот во недела од 18 часот во салата „Јасмин“ екипата на „ЕуроНикел“ ке го нагости тимот на „Пелистер“. Кавадарчани речиси и да заборавија кога последен пат одиграле натпревар а битолчани пред некој ден во заостанатиот натпревар го декласираа „Вардар“ со преубедливи 122:72. Битолчани имаат квалитетен состав и големи амбиции сезонава но и кавадарчани особено во својата сала ке има што да покажат.

м.в.