ГОРАН ЈОВАНОВУТРЕ КЕ ИМА САМОСТОЈНА ИЗЛОЖБА ВО ФОАЈЕТО НА ДОМОТ НА КУЛТУРАТА ИВАН МАЗОВ КЛИМЕ

Утре, сабота 19 декември со почеток од 12 ч. во галеријата при домот на културата „Иван Мазов - Климе“ Кавадарци ќе биде отворена самостојна изложба на ликовниот уметник Горан Јованов од Скопје.Всушност Јованов е роден во Гевгелија во 1982 год. Дипломирал во 2006 г. на Факултетот за ликовни уметности во Скопје насока реставрација и конзервација и графички дизајн. Магистрирал на истиот факултет во 2009 г. отсек графика во класата на Димитар Малиданов. Член е на ДЛУМ од 2006 г. Изложбата е во реализација на Домот на културата „Иван Мазов - Климе“ Кавадарци, а со поддршка на Локална самоуправа на општина Кавадарци и Министерството за култура на Република Северна Македонија.

м.в.