Потпишан договор за грант за „Комуналец„-Неготино

Градоначалникот на општина Неготино Тони Делков и директорката на ЈП „Комуналец" Марина Бојаџиева остварија работна посета во амбасадата на Германија во Република Македонија. Целта на работната средба беше потпишување на договор за грант за потребите на локалното комунално претпријатие. Со овој грант Комуналец на располагање ќе добие 1 агрегат за струја, машина за сечење на асфалт и бетон, како и машина за одзатнување на канализационата мрежа. Директорката Бојаџиева и градоначалникот Делков кои го потпишаа договорот потенцираат дека обезбедените машини ќе продонесат за поквалитетно и поефикасно извршување на секојдневните работни обврски на вработените во Комуналец.