ПОСЛЕДНАТА ПРЕЧКА ЗА ВЛЕЗ ВО ПРВАТА ЛИГА ЗА ГФК ТИКВЕШ СЕ ВИКА СИЛЕКС

Денеска фудбалерите на Силекс и Тиквеш ќе се пресметаат во баражот за место во Првата македонска фудбалска лига. Кратовчани пред една недела го освоија трофејот во Купот на Македонија, па ќе сакаат да ја избегнат можноста како второлигаши да играат квалификации за Конференциската лига на УЕФА. Од друга страна ГФК Тиквеш сезонава покажа дека не се екипа за потценување и се силно мотивирани да се вратат во елитата по пауза од 17 години. Последен пат Тиквеш играше во ПМФЛ во сезоната 2003/04, по што падна во Втората, па и во Третата лига но сега целиот град, јавноста и навивачите очекуваат конечно нивниот миленик да се врати во елитата а последна пречка на патот до целта е токму Силекс.

Овие две екипи пред две години на петти јуни 2019 година одиграа ист ваков бараж. Тогаш Тиквеш во полуфиналето го совлада Лабуништа со 6-3, ама потоа загуби од Силекс со 3-2 и не успеа да се врати во ПМФЛ.

Ке се реваншираат ли кавадарчани ке видиме денес со почеток од 16:00 часот на Националната арена „Тодор Проески“.

М.В.